Анчелотти Хамесдаги ҳолатни Роналдо билан таққослади

Мутахассис орада бразилиялик афсонавий ҳужумчи Роналдони ҳам эслаб ўтди.

"Хамесни сотиб олганимизда ҳамма унинг жисмоний ҳолати ҳақида қайғурди, унинг бу борада Премьер-лигага мослашиб кета олиши ҳавотирга солди. Унда биринчи тўртта учрашувда нечта спринт (югуриш) бўлганини биласизми? Еттита! Самарали пас ва голлар унда спринтларида кўпроқ бўлди. Бу ерда нима ҳақида гапириш керак? Биз футболчидан майдонда нимани кутамиз?

"Милан"да ишлаганимда Роналдони олиб келганмиз. У клубга келганида вазни 100 кг эди. Биринчи ўйиндан олдин унга шундай дедим: "Сен биласанми, мен сени майдонга тушира олмайман. Сен вазн ташлашинг керак". У эса қуйидагича жавоб қайтарди: "Сиз майдонда мендан нима хоҳлайсиз? Гол уришимними ёки югуришимни? Агар майдонда югуришимни хоҳласангиз мени захирада қолдиринг, агар голни хоҳласангиз мени туширинг!"

Мен уни майдонга туширдим. У югурмади, лекин иккита гол урди. Хамес билан ҳам деярли шундай тарих", - дея Анчелоттининг сўзларини келтирди "France Football".