UZ

Сўнгги янгиликлар

15:01Рамазон Темиров: "Аллоҳ менга синов берди" (ФОТО) 0 14:39Дюбуа Усик билан жангдаги мағлубиятдан сўнг нималар деди? 0 14:17"Манчестер Юнайтед" Бундеслигадаги ҳужумчини ўз сафига қўшиб олмоқчи 0 13:54Пакьяо — Барриос жанги зарбалар статистикаси ҳамда ҳакамлар ҳужжатидан кўчирма эълон қилинди (ФОТО) 0 13:26Мэнни Пакьяо дуранг ҳақида: "Мен бу жангда ғалаба қозонгандим" 0 13:03"Энди дунё учун ММА жанги ўтказамиз" - Пол Усикка мурожаат қилди 0 12:39"Ньюкасл" Исакни сотиш ниятида эмас — клуб унинг нархини 173 миллион еврога кўтарди 0 12:17Усик чемпионлик жангларидаги 13-ғалабасини қўлга киритди 0 11:52Ёзги Универсиададаги медалларимиз 6 тага етди, 4 таси Тахминага тегишли. Ўзбекистон медаллар жамғариш бўйича нечанчи ўринда? 0 11:25UFC 318 турнирининг бонус соҳиблари маълум 0 11:02"Барселона" "Реал" юлдузини кўзламоқда — футболчи билан алоқа ўрнатилди 0 10:41Усик ғалабадан сўнг Дюбуага мурожаат қилди 0 10:20Холлоуэй Порьега қарши! UFC 318 турнирининг барча натижалари бир саҳифада 0 10:18Холлоуэйнинг Порье билан BMF камари учун жанги тўлиқ давом этди 0 09:55Месси пеналтисиз голлар бўйича Роналдуни ортда қолдирди 0

25 май 10:31
Янгиликлар

Кураш

Андижонда белбоғли кураш бўйича халқаро турнир ўтказилди

22-23 май кунлари Андижон олимпия ва паралимпия спорт турларига тайёрлаш маркази манежида белбоғли кураш бўйича халқаро турнир бўлиб ўтди.

Мазкур мусобақа кўплаб жаҳон ва Осиё чемпионларини тайёрлаган, спорт устаси, белбоғли кураш бўйича жаҳон чемпиони, вилоят белбоғли кураш федерациясида ижрочи директори сифатида узоқ йиллар фаолият юритиб, юзлаб шогирдлар тайёрлашга эришган марҳум Мамасоли Исмоиловнинг ёрқин хотирасига бағишлаб ташкил этилди. 

Халқаро турнирда белбоғли курашчиларимиздан ташқари қўшни Тожикистон ва Қирғиз Республикаси давлатларидан келган 200 нафарга яқин сара полвонлар 8 та вазн тоифасида ғолиблик йўлида бел олишди. 

Дастлаб халқаро мусобақаниг тантанали очилиш маросими ташкил этилди. 

Унда сўз олган Андижон вилояти спорт бошқармаси бошлиғи Ўткирбек Тошпўлатов, Ўзбекистон белбоғли кураш федерацияси раиси Равшан Дастиров ҳамда Андижон вилоят белбоғли кураш федерацияси раиси Рустам Тўрахоновлар марҳум Мамасоли Исмоиловнинг ҳаётлик чоғида белбоғли кураш спорт турини вилоятда ривожлантириш борасида амалга оширган ишлари ҳақида тўхталиб ўтишди ҳамда мусобақа иштирокчиларига омад тилашди. 

Шундан сўнг турнирга старт берилди. Муросасиз ва қизғин тарзда ўтган беллашувларда асосан мезбонларнинг қўли баланд келди. Ғолиб ва совриндорлар ташкилотчилар томонидан диплом, медаль ҳамда қимматбаҳо эсдалик совғалари билан тақдирланишди. 

Вазн тоифаси бўйича ғолиблар:

-57 кг: Камрон Ортиқов (Булоқбоши тумани)

-62 кг: Абдумалик Дилшодбеков (Олтинкўл тумани)

-68 кг: Ойбек Султонов (Асака тумани) 

-75 кг: Нусратбек Султонбоев (Олтинкўл тумани) 

-82 кг: Ҳусниддин Рўзиев (Олтинкўл тумани) 

-90 кг: Жасур Исроилов (Олтинкўл тумани) 

-100 кг: Ойбек Муҳамедов (Фарғона тумани) 

+100 кг: Аъзам Анваржонов (Олтинкўл тумани)

Илҳом РАҲМОНОВ тайёрлади

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг