Андрей Рублёв Дубайдаги юришини бошлади

Дунёнинг бешинчи ракеткаси Андрей Рублёв мусобақадаги иштирокини ғалаба билан бошлади. Россиялик теннисчи илк даврада ATP рейтингида 46-поғонадан жой олган хитойлик Чжичжень Чжанни қийинчилик билан мағлубиятга учратди - 6/7(4), 6/2, 6/4.

Бу теннисчиларнинг ўзаро ўтказган иккинчи учрашуви эди - 2:0. Бир соату 52 дақиқа давом этган баҳсда Рублёв 18, Чжан 17 та эйс зарбасини амалга оширган. Иккала теннисчи ҳам 2 тадан қўшхатога йўл қўйган. Энди Рублёв 1/4 финал чиптаси учун италиялик Лоренцо Музетти ҳамда франциялик Артур Казо ўртасидаги баҳс ғолибига қарши кортга чиқади.