08 янв 07:22
Янгиликлар

Теннис

Андрей Рублёв Гонконгни забт этди

Дунёнинг бешинчи ракеткаси Андрей Рублёв Гонконгда якунига етган ATP турнири ғолибига айланди.

Россиялик теннисчи Bank of China Hong Kong Tennis Open турнирининг ҳал қилувчи финал учрашувида ATP рейтингида роппа-роса 50-ўринда борган финляндиялик Эмил Руусувуорини икки сетда ҳам бир хил ҳисобда мағлубиятга учратди - 6/4, 6/4. Теннисчиларнинг ўзаро учрашувлардаги ҳисоб Рублёв фойдасига бўлиб турибди - 3:1.

Етмиш саккиз дақиқа давом этган баҳсда иккала теннисчи ҳам 5 тадан эйс зарбасини амалга оширган. Рублёв қўшхатога йўл қўймади, Руусувуори бу кўрсаткич 4 тани ташкил қилди. Брейклар сони 2 га 0 кўринишида бўлди.

Bank of China Hong Kong Tennis Open турниридаги муваффақиятли иштирок Рублёвга 250 рейтинг очкоси ҳамда $100,640 доллар мукофот пули келтирди. Бу россиялик учун фаолиятидаги 15-соврин бўлди.