28 июл 17:32
Янгиликлар
Теннис
Андрей Рублёвда кутилмаган мағлубият
Дунёнинг еттинчи ракеткаси Андрей Рублёв Германиянинг Гамбург шаҳрида ўтказилаётган турнирдаги иштирокини эрта якунлади.
Россиялик теннисчи иккинчи даврада ATP рейтингида 61-ўринни эгаллаб турган германиялик Даниэль Альтмайерга деярли қаршилик кўрсата олмади - 2/6, 2/6. Бу теннисчиларнинг ўзаро ўтказган илк учрашуви эди.
Етмиш беш дақиқа давом этган баҳсда Рублёв 4, Альтмайер 6 та эйс зарбани амалга оширди. Энди немис теннисчиси 1/4 финалда Чжичжен Чжанга қарши кортга чиқади. Хитойлик теннисчи ўз ўрнида бошқа бир германиялик Янник Ганфманндан 4/6, 6/1, 6/4 ҳисобларида устун келди.
Ҳавола :
Манба : gotennis
Фикрлар