17 июл 06:57
Янгиликлар

Теннис

Андрей Рублёвни финал остонасида тўхтатишди

Швециянинг Бостад шаҳрида теннис бўйича нуфузли ATP турнири ўтказиляпти.

Мусобақада ярим финал учрашувлари ўтказилиб, бош соврин учун кортга чиқадиган ракетка усталарининг номи маълум бўлди. Кутилмаганда дунёнинг саккизинчи ракеткаси, россиялик Андрей Рублёв ATP рейтингида 34-поғонадан жой олган аргентиналик Себастьян Баесга имкониятни бой бериб қўйди - 2/6, 4/6.

Статистикага эътибор қаратадиган бўлсак, 76 дақиқа давом этган баҳсда Рублёв эйс зарбани амалга ошира олмади. Баес эса бор йўғи битта эйс зарбани ижро этган. Қўшхатолар Андрейда 1 та, Себастьянда 3 тани ташкил этди. Бугун Баес бош соврин учун ватандоши Франциско Черундолога қарши кортга чиқади.