Анкалаевнинг менежери Перейра билан реванш қачон бўлишини айтди

Бу ҳақида Анкалаевнинг менежери Ризван Магомедов айтиб ўтди.

"Катта эҳтимол билан, Анкалаев ва Перейра ўртасидаги реванш жанг октябрда бўлади. Ҳозирча расмий шартнома йўқ — жанг тайинланмаган. Лекин бизга шундай маълум қилинган ва биз шу йўналишда тайёргарлик кўряпмиз. Камарни ҳимоя қилишга тайёргарлик бошланган.

Агар рақиб Перейра бўлса – яхши. У қизиқарли ва таниқли рақиб. Унга қарши янада кучлироқ ва ишончлироқ жанг ўтказиш мумкин. Агар бошқа биров бўлса ҳам — бу муаммо эмас. Жуда катта фарқ йўқ.

Ҳозирча бизнинг қўлимиздаги маълумот — Перейрага қарши жанг. Биз рақиб томони билан алоқада эмасмиз. UFCдан олинган маълумот асосида иш олиб боряпмиз", — деди Анкалаевнинг менежери Ризван Магомедов.

Эслатиб ўтамиз, Анкалаев март ойида Перейрани очколар эвазига мағлуб этиб, UFCнинг ярим оғир вазндаги чемпионига айланган эди.