24 янв 16:05
Янгиликлар

Каратэ

Анвар Бойназаров эртага Майамида жанг ўтказади

Хабар берганимиздек, эртага тонгда АҚШнинг Флорида штати, Майами шаҳрида жанговар каратэ бўйича Karate Combat 52 мусобақаси ташкил этилади.

Мусобақада ўзбекистонлик аралаш якка кураш устаси Анвар Бойназаров ҳам қатнашишини маълум қилгандик.

Ҳамюртимизга америкалик Игнасио Кепллонч рақиб бўлади.

KC 52 турнирининг марказий жанги покистонлик Шаҳзаид Ринд ҳамда Литва вакили Эдгарс Скриверс ўртасида кечади. Жанглар Тошкент вақти билан тонгги 5:00 дан кейин бошланади.

Маълумот учун, Glory собиқ чемпиони Анвар Бойназаров аралаш якка курашлардаги сўнгги жангини 2024 йил ноябрь ойида Тиаго Бельога қарши ўтказиб, нокаут билан ғалаба қозонганди.