16 янв 13:17
Янгиликлар

Каратэ

Анвар Бойназаров Майамида жанг қилади

25 январь тонгида АҚШнинг Флорида штати, Майами шаҳрида жанговар каратэ бўйича Karate Combat 52 мусобақаси ташкил этилади.

Унда ўзбекистонлик аралаш якка кураш устаси Анвар Бойназаров ҳам қатнашади. Бу ҳақда спортчи ўзининг Instagram'даги саҳифасида маълум қилди.

Ҳозирча Анварга турнир доирасида ким рақиб бўлиши номаълум.

KC 52 турнирининг марказий жанги покистонлик Шаҳзаид Ринд ҳамда Литва вакили Эдгарс Скриверс ўртасида кечади.

Маълумот учун, Glory собиқ чемпиони аралаш якка курашлардаги сўнгги жангини 2024 йил ноябрь ойида Тиаго Бельога қарши ўтказиб, нокаут билан ғалаба қозонганди.