30 окт 15:32
Янгиликлар

Бокс/ММА

Анвар Бойназаров яна АҚШдаги таниқли лигада жанг қиладиган бўлди

12 ноябрь куни Америка Қўшма Штатларининг Лас-Вегас штатида ММА бўйича Tuff-N-Uff 134 мусобақаси бўлиб ўтади.

Биз учун аҳамиятлиси, ушбу мусобақада енгил вазн тоифасида ўзбекистонлик аралаш яккакураш устаси Анвар Бойназаров (5-2-0) ҳам жанг қиладиган бўлди. Ҳозирча ҳамюртимизга ким рақиблик қилиши маълум эмас.

Аслида, Tuff-N-Uff лигаси Анвар Бойназаров учун бегона эмас. У 16 сентябрь куни ушбу лиганинг 133-мусобақасида Кейл Монизга (7-2-0) қарши жанг қилиб, биринчи раундда муддатидан олдин мағлубиятга учраган эди.

Шундан сўнг, Анвар Бойназаров 30 сентябрь куни АҚШнинг Юта штатида ташкил этилган Crown FC 11 турнири доирасида маҳаллий спортчи Кьюран Уолкер (1-2-0) билан жанг қилиб, очколар ҳисобига кўра ғалаба қозонди. Бу Бойназаровнинг сўнгги жанги бўлиб турибди.