АҚШ шарафини ҳимоя қилаётган Гулруҳбегим Тоҳиржонова Бутунжаҳон Шахмат Олимпиадасини ғалаба билан бошлади

Ўз тарихида 44-бор ўтказилаётган ушбу нуфузли мусобақада АҚШ шахматчилари ҳам иштирок этмоқда ва эътиборлиси, океан орти терма жамоаси таркибида ҳамюртимиз Гулруҳбегим Тоҳиржонова ҳам дона суряпти. Тоҳиржонова ўтган йили АҚШ миллий чемпионатида 2-ўринни эгаллаб, терма жамоа таркибидан жой олганди.

Бугун Гулруҳбегим 1-турни Пуерто Рико вакиласи Наташа Моралес Сантосга қарши ўтказди. Қора доналарда ҳаракат қилган Тоҳиржонова 1:0 ҳисобида ғалаба қозонди ва АҚШ терма жамоасига очко келтирди. Шунингдек, АҚШнинг яна икки вакиласи Ирина Круш ва Абраҳамян Татев ҳам рақиблари устидан ғалаба қозонди. АҚШ Пуэрто-Рикони 4:0 ҳисобида мағлуб этди.