FIDE Рапид ва Блиц бўйича Жаҳон чемпионати старт олди. Бешта турдан сўнг энг яхши натижамиз Синдаровда!

Ушбу нуфузли мусобақада дунёнинг 70 та давлатидан келган 394 нафар шахматчи иштирок этяпти. Ўзбекистон терма жамоаси 14 нафар етакчи спортчи билан баҳсларга киришди. 

Мусобақанинг Рапид бўйича 1-куни иштирокчилар 5 та турда ўзаро дона суришди. Шахматчиларимиз орасида энг яхши натижа ҳозирча Жавоҳир Синдаровда бўлиб турибди. Яқиндагина Жаҳон кубогини қўлга киритган Синдаров 5 имкониятдан 4 очко жамғариб, қўшимча кўрсаткичларга кўра 13-ўринни эгаллаб турибди. Муҳиддин Мадаминов ва Нодирбек Абдусатторов тажрибали рақибларга қарши баҳсларда 3,5 очко тўплашди. 

Аёллар ўртасида Афруза Ҳамдамова 3 очко билан терма жамоамиздаги энг яхши натижани қайд этмоқда - 22-ўрин. Гулруҳбегим Тохиржонова 2 очко билан ҳозирча 56-поғонада бормоқда. Бугун рапид баҳслари давом эттирилади.  

Ўзбекистон шахматчиларининг Рапид бўйича биринчи кун натижалари:

Эркаклар:

1. Жавоҳир Синдаров – 4 очко, 13-ўрин

2. Муҳиддин Мадаминов – 3,5 очко, 40-ўрин

3. Нодирбек Абдусатторов – 3,5 очко, 55-ўрин

4. Жаҳонгир Воҳидов – 2,5 очко, 107-ўрин

5. Шамсиддин Воҳидов – 2,5 очко, 134-ўрин

6. Ҳумоюн Бегмуратов – 2,5 очко, 136-ўрин

7. Нодирбек Якуббоэв – 2 очко, 173-ўрин

8. Муҳаммадзо ҳид Суяров – 1 очко, 220-ўрин

Аёллар:

1. Афруза Ҳамдамова – 3 очко, 22-ўрин

2. Гулруҳбегим Тохиржонова – 2 очко, 56-ўрин

3. Гулдона Каримова – 2 очко, 68-ўрин

4. Умида Омонова – 2 очко, 70-ўрин

5. Мадинабону Халилова – 1,5 очко, 93-ўрин

6. Нилуфар Якуббаева – 0,5 очко, 133-ўрин