Аралаш жуфтликда Токио-2020 чемпионлари маълум + ФОТО

Олимпиада олтин медаллари россиялик теннисчилар - Анастасия Павлюченкова ва Андрей Рублёвга насиб этди. Улар ҳал қилувчи финал учрашувида ҳамюртлари Елена Веснина ҳамда Аслан Карацев жуфтлигини мағлуб этишди - 6/3, 6/7(5), 13:11.

Соф русча финал 1 соату 53 дақиқа давом этди. Токио-2020 Олимпиадасининг бронза медаллари австралиялик теннисчилар - Эшли Барти ва Жон Пирсга насиб этди. Улар Новак Жоковичнинг кортга чиқишдан бош тортгани учун курашсиз бронза медалларига эга чиқишди.

Маълумот учун, бу Елена Веснина учун иккинчи Олимпиада олтин медали. У Рио-2016 Олимпиадасининг жуфтликлар баҳсларида ҳам чемпионлик шоҳсупасига кўтарилган эди.