11 мар 09:54
Янгиликлар

Теннис

Арина Соболенко 1/4 финалнинг илк иштирокчиси

АҚШнинг Индиан-Уэллс шаҳрида WTA 1000 тоифасига кирувчи нуфузли турнирда ҳал қилувчи ўйинлар бошланди.

Дунёнинг биринчи ракеткаси Арина Соболенко 1/8 финалда WTA рейтингида 16-ўринни эгаллаб турган япониялик Наоми Осакани ортиқча қийинчиликсиз мағлубиятга учратди - 6/2, 6/4. Теннисчиларнинг ўзаро учрашувларида Арина олдинда бормоқда - 3:1.

Саксон бир дақиқа давом этган баҳсда Соболенко 8, Осака 4 та эйс зарбасини амалга оширган. Соболенко WTA турнирларида 83-маротаба (кетма-кет 14-бор )1/4 финал босқичига чиқди. Бу бўйича беларуслик теннис маликаси америкалик Серена Уильямсдан ўзиб кетди. Ундан аввал беш нафар теннисчи бор.