US Open 2026. Аёллар ўртасидаги турнирда финалчилар аниқланди

Аёллар ўртасидаги яккалик баҳсларида финалчилар аниқланди. Дунёнинг биринчи ракеткаси Арина Соболенко илк финалчига айланди. Беларуслик теннис маликаси 1/2 финалда рейтингнинг учинчи поғонасида бораётган америкалик Жессика Пегулани мағлубиятга учратди - 7:5, 6:2.

Теннисчилар роппа-роса 80 дақиқа кортда ҳаракат қилишди. Соболенко 7, Пегула 4 та эйс зарбасини амалга оширди. Арина 3 та қўшхатога йўл қўйди. Жессика бу борада бехато ўйнади. Беларуслик теннисчи қаторасига тўртинчи йил ҳам бош соврин учун кортга чиқади. У US Open турнирининг амалдаги чемпиони ҳисобланади.  

Соболенконинг финалдаги рақибаси дунёнинг иккинчи ракеткаси Елена Рибакина бўлади. Қозоғистонлик теннис маликаси 1/2 финалда WTA рейтингида тўртинчи ўринни эгаллаб турган Кори Гауффни уч сет натижасига кўра таслим этди - 3/6, 6/4, 6/4. Икки соату 10 дақиқа давом этган баҳсда Рибакина 5, Гауфф 4 та эйс зарбасини амалга оширди. Бош соврин учун финал учрашуви эртага, 12 сентябрь куни бўлиб ўтади.