Арина Соболенко Australian Open 1/2 финалида

Беларуслик теннис маликаси 111 дақиқа давом этган 1/4 финал баҳсида WTA рейтингида 64-поғонада бораётган хорватиялик Донна Векични ортиқча қийинчиликсиз таслим этди - 6/3, 6/2.

Бу билан у ўзаро учрашувлардаги ҳисобни қисқартиришга муваффақ бўлди - 2:5. Арина 9, Векич эса 4 та эйс зарбасини амалга оширган. Қўшхатолар Доннада кўпроқ бўлди 13 га 9. Соболенко фаолиятида тўртинчи бор "Катта Дубулға" турнирларининг 1/2 финалига чиқди. Шу кунгача у Уимблдон (2021) ва US Open (2021, 2022) турнирларининг ярим финалида ўйнаганди.

Яна бир маълумот, беларуслик теннисчи ярим финал учрашуви натижасидан қатъий назар, келаётган душанба куни эълон қилинадиган WTA рейтингида 4-ўринга кўтарилиб олади. Агар финалга чиқса, янги ҳафтанинг дунёнинг иккинчи ракеткаси сифатида бошлайди.