27 янв 08:14
Янгиликлар

Теннис

Арина Соболенко Australian Open 1/2 финалига чиқди

Мельбурн шаҳрида давом этаётган теннис бўйича "Катта Дубулға" туркумига кирувчи Австралия Очиқ чемпионати ўзининг ҳал қилувчи палласига кирди.

Australian Open турнирининг аёллар ўртасидаги баҳсларида илк ярим финалчи маълум бўлди. Сайёрамизнинг биринчи рақамли теннис маликаси Арина Соболенко 1/4 финалда WTA рейтингида 27-ўринни эгаллаб турган америкалик Ива Йовични ортиқча қийинчиликсиз мағлубиятга учратди — 6:3, 6:0.

Учрашув 90 дақиқа давом этган. Беларуслик теннисчи 6, америкалик эса 1 та эйс зарбасини амалга оширган. Арина Соболенконинг ярим финалдаги рақибаси америкалик Кори Гофф ва украиналик Элина Свитолина ўртасидаги учрашувда аниқланади.