22 янв 11:52
Янгиликлар

Теннис

Арина Соболенко Австралия Очиқ чемпионати билан хайрлашди

Австралиянинг Мельбурн шаҳрида ўтказилаётган "Катта Дубулға" туркумига кирувчи Australian Open турнири ўзининг қизғин палласига кириб боряпти.

Дунёнинг 12-ракеткаси Арина Соболенко кутилмаганда мусобақа билан хайрлашди. Беларуслик теннис маликаси иккинчи давра учрашувида испаниялик Карла Суарес Наваррога имкониятни бой бериб қўйди.

WTA рейтингида 54-поғонани банд этиб турган 31 ёшли Наварро ўзидан 10 ёшга кичик бўлган рақибасини тай-брекларда - 7/6(8), 7/6(8) ҳисобларида мағлуб эта олди. Учрашув 2 соату 11 дақиқа давом этган. Суарес ўзаро учрашувларнинг тўртинчисига келибгина Аринадан устун келди - 1:3.

Маълумот учун, Суарес Наварронинг учинчи босқичдаги рақибаси польшалик Ига Свёнтек бўлади. У иккинчи даврада венгриялик Тимеа Бабошни 6/3, 6/2 ҳисобида таслим эта олди.