04 сен 12:04
Янгиликлар

Теннис

Арина Соболенко US Open 1/2 финалига йўл олди

Дунёнинг иккинчи ракеткаси Арина Соболенко АҚШ Очиқ чемпионатининг ярим финал иштирокчисига айланди.

Беларуслик теннис маликаси 1/4 финалда рейтингнинг еттинчи поғонасида бораётган хитойлик Чжэн Циньвэнни деярли сезмади - 6/1, 6/2. Теннисчиларнинг ўзаро учрашувларидаги ҳисоб йириклашди - 3:0.

Етмиш тўрт дақиқа давом этган баҳсда Соболенко 3, Чжэн 5 та эйс зарбасини амалга оширди. Иккала теннисчи ҳам 3 тадан қўшхатога йўл қўйган. Брейклар бўйича мутлақ устунлик Арина томонида бўлди - 4 га 0. Энди у финал чиптаси учун америкалик Эмма Наваррога қарши кортга чиқади.