11 май 09:59
Янгиликлар

Теннис

Арина Соболенкода иродали ғалаба

Дунёнинг иккинчи ракеткаси Арина Соболенко Римда давом этаётган WTA 1000 тоифасига кирувчи турнирнинг учинчи даврасига йўл олди.

Беларуслик теннис маликаси иккинчи даврада WTA рейтингида 109-поғонада бораётган америкалик Кэти Волинецни иродали тарзда мағлуб этди - 4/6, 6/2, 6/2. Бу теннисчиларнинг ўзаро ўтказган илк учрашуви сифатида тарихга кирди.

Икки соату 16 дақиқа давом этган баҳсда Соболенко 3, Волинец 1 та эйс зарбани амалга оширган. Қўшхатолар Аринада кўпроқ бўлди - 4 га 3. Брейклар бўйича ҳам устунлик беларуслик теннисчи томонда бўлди - 7 га 5.

Энди Арина Соболенко учинчи босқичда Даяна Ястремскаяга қарши кортга чиқади. Украиналик теннисчи иккинчи даврада германиялик Лаура Зигемунддан 4/6, 7/5, 6/2 ҳисобида устун келди.