Арина Соболенкони Индиан-Уэллсда мағлуб этишди

Кутилмаганда сайёрамизнинг иккинчи рақамли теннис маликаси бўлиб турган Арина Соболенко чорак финал остонасида мағлубиятга учради. Беларуслик теннисчи WTA рейтингида 23-поғонада бораётган америкалик Эмма Наваррога имкониятни бой бериб қўйди - 3/6, 6/3, 2/6.

Бу теннисчиларнинг ўзаро ўтказган илк учрашуви эди. Бир соату 57 дақиқа давом этган баҳсда Соболенко 4, Наварро 2 та эйс зарбасини амалга оширган. Америкалик теннисчи фаолиятида илк бор Топ-5 рейтингидан ўрин олган рақибасини мағлуб этди. Эмма биринчи марта WTA 1000 турнирлари 1/4 финалида ўйнайдиган бўлди.