12 окт 11:09
Янгиликлар

Бокс/ММА

Артур Бетербиев UFC`да дебют қилиши мумкин, у Камару Усманга "вызов" ташлади

Профессионал бокснинг яримоғир вазн тоифасида амалдаги WBC ва IBF йўналишлари чемпиони Артур Бетербиев UFC октагонида ўзини синаб кўришга тайёр эканини маълум қилди.

"Менда ММА қоидалари бўйича жаҳон чемпионига қарши "қафас"га кириш истаги пайдо бўлди. Ўзимга жуда ҳам қизиқ туюляпти. Тўғри, бу шу йилнинг ўзида амалга ошмайди. Олти ой тўлақонли машғулот лагерини ўташим керак. Собиқ UFC чемпиони Жорж Сент-Пьерр жуда яқин дўстим ҳисобланади. У билан биргаликда машғулот ўтказаман. Боксдаги натижам Дана Уайтнинг тинчини бузишига ишонаман. Хуллас, 77 кг вазнда UFC чемпиони билан жанг қилишга тайёрман", - деди Бетербиев.

Эслатиб ўтамиз, яримоғир вазн тоифасида айни пайтда Камару Усман UFC чемпиони бўлиб турибди. "Нигериялик даҳшат" ўзининг навбатдаги ҳимоя жангини 6 ноябрь куни Нью-Йоркда UFC 268 турнири доирасида Колби Ковингтонга қарши ўтказади.