Артур Таймазов бўлаётган воқеаларга изоҳ берди

"Нимадир бўлаётганини билардим, бу яхши эмас. Мен учун энг муҳими уч карра олимпиада чемпиони бўлганим. Мен ўзимни уч карра чемпион деб ҳисоблайман. Агар фаолиятимга эътибор берсангиз, сиз ҳам ҳақиқий чемпион эканлигимга шубҳа қилмайсиз. Бунга эришиш учун узоқ йиллар давомида тер тўкдим, тинмай ишлаганман. Халқимдан, юртимдан мени қўллаб-қувватлагани учун миннатдорман. Улар (ХОҚ) спортни сиёсатга аралаштириб юбормоқда. Бундай қилмаслик керак. Спорт ва сиёсат бошқа-бошқа тушунчалар",-деди Таймазов.

Маълумот учун, Таймазовдан Пекин ҳамда Лондон олимпиадаси олтин медаллари тортиб олинди. Энди унда фақатгина Афина олимпия ўйинларида олган олтин медали қолди.