06 июл 13:26
Янгиликлар

Спорт курашлари

Ассоциация бош котибидан терма жамоа аъзоларига қозон кабоб + ФОТО

Шу кунларда эркин ва юнон-рум кураши бўйича Ўзбекистон терма жамоалари Тошкент вилоятининг Ангрен шаҳарчасида жойлашган "Янгиобод" базасида ўқув-машғулот йиғинини ўтказмоқда.

Ушбу йиғин Токио Олимпиадасига сўнгги тайёргарлик босқич вазифасини ўтаб беради.

Эътиборлиси, терма жамоамиз аъзолари учун кечаги кечки таом Ўзбекистон спорт курашлари ассоциацияси бош котиби Шуҳрат Мамадалиев томонидан тайёрланди. Шуҳрат ака қўй гўштидан пиширган қозон кабобининг мазаси қандай чиққанини таомнинг рангидан билиб олиш қийин эмас. Ахир халқимизда ранг кўр, хол сўр, деган мақол бежизга айтилмаган.

Нима ҳам дердик, ёқимли иштаҳа!