Ассоциация томонидан онлайн конференция ўтказилди

Жумладан, Ўзбекистон спорт курашлари ассоциацияси мутасаддилари ҳам масофавий иш фаолиятини йўлга қўйишган. Кеча Ассоциация бош котиби Шуҳрат Мамадалиев бошчилигида видеоконференция ўтказилди. 

Унда терма жамоа мураббийлари, курашчилар иштирок этишди. Онлайн видеомулоқот давомида ходимлар, спортчиларнинг саломатлиги, карантин вақтида кунни қандай ўтказаётганлиги ҳақида сўз борди. Бош котиб масофадан бўлсада ишни сусайтирмаслик, аксинча, ҳозирги қийин вазиятда янада эътиборлироқ бўлиш бўйича кўрсатмалар берди. 

Ўз ўрнида мураббийлар спортчиларнинг уй шароитида олиб бораётган машғулотлари, уларнинг саломатлиги ҳақида ахборот беришди.