15 июл 12:04
Янгиликлар
![](/upload/storage/305349_220.jpg)
ATP рейтинги. Топ-10`да ўзгаришлар, теннисчиларимиз сезиларли тарзда юқорилашди
Икки ҳафта давом этган "Катта Дубулға" туркумига кирувчи Уимблдон турнири якунларига кўра янгиланган рейтингда айтишга арзигулик ўзгаришлар кузатилди. Айниқса, "Фьючерс" турнирларида муваффақиятли иштирок этган теннисчиларимизнинг бари бу ҳафта рейтингда сезиларли ўсишга эришишди.
Мамлакатимизнинг биринчи ракеткаси Ҳумоюн Султонов кетма-кет иккита турнирда вице-чемпион бўлгани эвазига ҳисобига 19 очко қўшилди ва у 22 поғонага юқорилаб, 287-ўринга жойлашди. Иккинчи ракеткамиз Сергей Фомин 33 ўринга кўтарилди ва айни пайтда 582-поғонадан жой олган. Максим Шин 29, Амир Милушев эса 189 ўринга юқорилаган. Раҳимбек Иброҳим қўлга киритган бир очкоси эвазига ATP рейтингига киритилган.
Жаҳон теннисчилари рейтингини ҳамон италиялик Янник Синнер пешқадамлик қиляпти. Уимблдон турнири бош совринини қўлга киритиш баробарида ўтган йилги чемпионлик очколарини ҳимоя қилган Карлос Алькараз рейтингнинг учинчи поғонасида қолди. Худди ўтган йилгидек финалда ютқазган Новак Жокович иккинчи ракетка бўлиб қолмоқда.
ATP рейтинги. 15 июль ҳолатига кўра Топ-10:
1. (1) Янник Синнер (Италия) - 9570 очко
2. (2) Новак Жокович (Сербия) - 8460
3. (3) Карлос Алькараз (Испания) - 8130
4. (4) Александр Зверев (Германия) - 7015
5. (5) Даниил Медведев (Россия) - 6525
6. (9) Алекс Де Минаур (Австралия) - 4185
7. (7) Хуберт Гуркач (Польша) - 4105
8. (6) Андрей Рублёв (Россия) - 4070
9. (8) Каспер Рууд (Норвегия) - 4030
10. (10) Григор Димитров (Болгария) - 3770...
Ўзбекистонлик теннисчиларнинг АТР рейтингидаги ўрни:
287 (309). Ҳумоюн Султонов - 192 (+18 очко)
582. (615). Сергей Фомин - 61 (+6 очко)
1127. (1156). Максим Шин - 9 (+1)
1505Т (1694T). Амир Милушев - 3 (+1 очко)
1904Т. Раҳимбек Иброҳимов - 1 очко
Фикрлар