ATP тарихида учинчи бор саралашдан чиққан теннисчилар финалда ўйнайди, бундан аввалгиси Истоминда бўлганди

Мусобақанинг финалига асосий тўрга саралаш баҳслари орқали етиб келган теннисчилар йўл олишди. ATP рейтингида мос равишда 207 ва 136-поғоналарда бораётган Факундо Баньис ва Лучано Дардери бугун ATP 250 тоифасига кирувчи турнир бош соврини учун кортга чиқади. 

Иккала теннисчи ҳам квалификация, яъни саралаш баҳсларида зафар қучиб, асосий тўрга чиқишганди. Бундай ҳолат ATP тарихида учинчи бор кузатилди. Бунгача 2015 йил Сидней шаҳриа ўтган турнир финалида сербиялик Виктор Троицки қозоғистонлик Михаил Кукушкинни 6/2, 6/3 ҳисобида таслим этганди. 

Эътиборлиси, Китцбюэл-2018 турнири финалида словакиялик Мартин Клижан ҳамюртимиз Денис Истоминдан устун (6/2, 6/2) келганди. Ўшанда Мартин ҳам, Денис ҳам асосий тўрга саралаш турнири орқали етиб келишган эди.