ATP Якуний турнири жуфтлик баҳсларида финалчилар маълум

Нуфузли мусобақанинг жуфтлтиклар баҳсида ҳам финал иштирокчилари маълум бўлди. Хорватиялик теннисчилар Никола Мектич ва Мате Павич жуфтлииги ярим финалда британиялик Ллойд Гласспул ҳамда финляндиялик Харри Хелиоваара ҳамкорлигини 6/4, 6/7(5), тай-брекда 10:6 ҳисобида таслим этди.

Теннисчилар 102 дақиқа давомида кортда ҳаракат қилишган. Мектич/Павич жуфтлиги 5, Гласспул/Хелиоваара тандеми 10 та эйс зарбасини амалга оширган. Турнирда тўртинчи рақам остида таснифлаган бу жуфтликда бугун бош соврин учун америкалик Ражив Рам ҳамда британиялик Жо Сэлисбери ҳамкорлигига қарши кортга чиқади.