14 ноя 08:47
Янгиликлар

Теннис

ATP Якуний турнири. Рублёв Карлос Алкараз олдида ожиз қолди

Италиянинг Турин шаҳрида теннис бўйича йилнинг Якуний ATP турнири давом этмоқда.

Рейтингнинг саккизинчи поғонасидан жой олган Андрей Рублёв гуруҳ босқичининг иккинчи учрашувида ҳам мағлубиятга учради. Россиялик теннисчи дунёнинг учинчи ракеткаси испаниялик Карлос Алькаразга 3/6, 6/7(8) ҳисобида имкониятни бой бериб қўйди.

Теннисчиларнинг ўзаро учинчи учрашувига келиб, Карлос ҳисобда олдинга чиқиб олди - 2:1. Карлос тай-брекда иккита сетболдан чиқиб кетганини ҳам алоҳида таъкидлаш жоиз. Тўқсон саккиз дақиқа давом этган баҳсда Рублёв 7, Алькараз 10 та эйс зарбасини амалга оширган.