АТР 2024 йилдан эътиборан теннисчиларни молиявий қўллаб-қувватлаш дастурини ишга туширади

Бу кўпроқ теннисчиларнинг муносиб теннис даражасига эга бўлишини таъминлашга қаратилган.

Дастурнинг асосий мақсади: 

1. Кафолатланган даромад. АТР Топ-250 ўйинчига, агар улар бир мавсумда маълум миқдорда мукофот пулини қўлга киритмаса, пул тўлайди. Энг яхши 100 нафар ўйинчи 300 000 доллар, 101-175-ўриндаги ўйинчилар 150 000 АҚШ доллари ва 176-250-поғонадаги  ўйинчилар 75 000 доллар миқдоридаги маблағга эга бўлади.

2. Жароҳатланишдан ҳимоя қилиш. Бу жароҳат туфайли бир мавсумда тўққиздан кам АТР таснифидаги ёки "Челленжер" турнирларида ўйнаган теннисчилар учун тўловлардир. Топ-100 ўйинчиларга 200 минг доллар, 101-175-ўриндаги теннисчилар 100 минг доллар, 176-250-ўриндаги ўйинчилар эса 50 минг доллар миқдорида маблағ олишади.

3. Янги ўйинчиларга сармоя киритиш. Топ-125да дебют қилган теннисчилар дебютидан кейин кейинги мавсум учун 200 000 долларгача пул олишлари мумкин бўлади. 

Йилига 30-45 нафар теннисчи молиявий ёрдам олиши кутилмоқда. Дастурнинг синов муддати - кейинги уч мавсум. Кейинчалик унинг амал қилиш муддати узайтирилиши мумкин.