АТР рейтинги. Икки нафар теннисчимизда кучли "шўнғиш". Истомин 143, Файзиев 198 поғона пастлади

Унга кўра, рейтингнинг Топ-10 лигида ўзгариш кузатилганини кўришимиз мумкин. Хусусан, 11-поғонадаги россиялик Даниил Медведев Роттердамдаги ғалабадан сўнг 3 поғона юқорилаб, Топ-10 га қайтган бўлса, 8-ўриндаги канадалик Феликс Оже 9-поғонага жойлашди. Кучли ўнликни 1 поғона пастлаган Хольгер Руне якунлаб берган. Рейтингни ҳамон сербиялик Новак Жокович бошқариб бормоқда. 

Янгиланган рейтингда биринчи ракеткамиз Сергей Фомин 2 поғона пастлади. Теннисчиларимиздан энг кучли пастлаш ҳолати Денис Истомин ва Санжар Файзиевда кузатилди. Денис Истомин 32 очкосидан айрилган ҳолда 143 поғона пастлаган бўлса, Санжар Файзиев ҳисобида 3 очко қолган ва у 198 ўрин пастга "шўнғиди". Шунингдек, Ҳумоюн Султонов ва Максим Шин ҳам янгиланган рейтингда пастлаб, ўз ўринларини бой беришганини кўришимиз мумкин. 

АТР рейтинги. 2023 йил 20 февраль ҳолатига кўра Топ-10:

1. (1) Новак Жокович (Сербия) - 7070 очко
2. (2) Карлос Алькараз (Испания) - 6480
3. (3) Стефанос Циципас (Греция) - 5940
4. (4) Каспер Рууд (Норвегия) - 5515
5. (5) Андрей Рублёв (Россия) - 3860
6. (6) Рафаэль Надаль (Испания) - 3815
7. (7) Тэйлор Фритц (АҚШ) - 3660
8. (11) Даниил Медведев (Россия) - 3250
9. (8) Феликс Оже (Канада) - 3200
10. (9) Хольгер Руне (Дания) - 3161...

Ўзбекистонлик теннисчиларнинг АТР рейтингидаги ўрни:

371 (369). Сергей Фомин - 129

455 (451). Ҳумоюн Султонов - 92

638 (495). Денис Истомин - 43

1113 (1111). Максим Шин - 8

1363 (1165). Санжар Файзиев - 3

1508 (1511) Мустафа Дўстов -2

1639 (1643). Азиз Дадабаев - 1

1639 (1643) Раҳимбек Иброҳимов - 1