Australian Open-2022 Австралиядан ташқарида бўлиб ўтиши мумкин

Бу ҳақда ABC Sport хабар бермоқда.

Бу Австралия ҳукумати 2022 йил ўрталарига қадар мамлакат чегараларини очмасликни режалаштираётгани билан боғлиқ. Шу сабабли, теннисчилар келгандан кейин икки ҳафталик карантиндан ўтишлари керак. Бу йилги тажрибадан сўнг, кўпчилик буни такрорлашга тайёр эмас.

Австралия теннис федерацияси спортчилар учун вазиятни енгиллаштириш учун расмийлар билан музокаралар олиб бормоқда. Рад этилган тақдирда, ташкилотчилар турнирни бекор қилиш ўрнига уни бошқа жойда ўтказишга тайёр. Доҳа ва Дубай номзод шаҳарлар ҳисобланади.

Шунга қарамай, "Australian Open" директори Крейг Тили муаммога ечим топишга ишонмоқда.

"Биз январь ойида Мельбурнда мусобақа ўтказамиз. Теннисчиларни Австралияга олиб келиш йўлини топамиз.  Ҳозирда Австралия карантинни қаттиқ талаб қилаётган ягона мамлакат. Вазиятни ҳал қилишнинг йўлини топишимиз керак", - дея Тилининг сўзларини келтирмоқда ABC Sport.