Australian Open-2022 саралаши Яқин Шарққа кўчирилиши мумкин

Бу ҳақда The Times хабар бермоқда.

Манбага кўра, ташкилотчилар Австралияга турнир иштирокчилари ва уларнинг жамоаларига берилиши керак бўлган махсус таклифномалар сонини камайтириш мақсадида шундай вариантни кўриб чиқишмоқда. Аёллар учун саралаш Дубайда ва эркаклар учун Абу-Дабида ўтказилиши режалаштирилган. 23-26 декабрь кунлари турнир ходимлари учун чартер самолётлари у ерга учади.

Маълумот учун, ўтган мавсумнинг саралаши ҳам Яқин Шарқда ўтказилган эди.

Саралаш декабрь ойининг охирида ўтказилиши режалаштирилган. Australian Open турнири 17 январда бошланади.