20 янв 09:32
Янгиликлар

Теннис

Australian Open. 30 та эйс қайд этилган баҳсда Рублёв ғалаба қозонди

Мельбурн шаҳрида "Катта Дубулға" туркумига кирувчи Австралия Очиқ чемпионати давом этмоқда.

Дунёнинг бешинчи ракеткаси бўлиб турган Андрей Рублёв тўртинчи даврага йўл олди. Россиялик теннисчи учинчи давра учрашувида ATP рейтингида 26-поғонада бораётган америкалик Себастьян Кордани уч сет натижасига кўра мағлубиятга учратди - 6/2, 7/6(6), 6/4.

Бу теннисчиларнинг ўзаро ўтказган учинчи учрашуви эди - 3:0. Роппа-роса икки соатлик баҳсда Рублёв 12, Корда 18 та эйс зарбасини амалга оширган. Қўшхатолар Кордада кўпроқ бўлди 5 га 3. Андрейнинг 3 та брейкига америкалик теннисчи жавоб қайтара олмади. Энди Рублёв Australian Open 1/4 финал чиптаси учун австралиялик Алекс Де Минаурга қарши кортга чиқади.