18 янв 08:53
Янгиликлар
Теннис
Australian Open. 72 теннисчи тўлиқ изоляцияга олинди
Мельбурн шаҳрида ўтказиладиган "Катта Дубулға" туркумига кирувчи Австралия Очиқ чемпионати стартига тобора оз фурсат қолмоқда.
Лекин ҳозирга келиб Мельбурнга етиб келган Australian Open турнирининг 72 иштирокчиси қатъий изоляцияга олинган, яъни теннисчилар коронавирус хавфи сабаб яккалантирилган. Уларга меҳмонхонадаги ўз хоналарини тарк этиш ман қилинган.
Гап шундаки, Австралияга чартер рейс билан Лос-Анжелес, Абу-Даби ва Доҳадан етиб келган бу 72 теннисчи жой олган самолёт бортидаги йўловчилардан айримларининг коронавирусга топширган тахлили ижобий натижа берган.
Изоляцияга олинганлар орасида россиялик Светлана Кузнецова, чехиялик Каролина Плишкова, канадалик Бьянка Андрееску, беларуслик Виктория Азаренко, япониялик Кеи Нишикори сингари таниқли ракетка усталари бор. Карантин икки ҳафта давом этади.
Ҳавола :
Манба : gotennis
Фикрлар