24 янв 09:39
Янгиликлар

Теннис

Australian Open. Амалдаги чемпион тўртинчи босқичга чиқди

Дунёнинг тўққизинчи ракеткаси бўлиб турган Мэдисон Киз Австралия Очиқ чемпионатидаги чемпионлик ҳимоясини давом эттирмоқда.

Америкалик 30 ёшли теннис маликаси учинчи даврада WTA рейтингида 1057-поғонасида бораётган дунёнинг собиқ биринчи ракеткаси, чехиялик 33 яшар Каролина Плишковани икки сетда ҳам бир хил ҳисобда мағлубиятга учратди - 6:3, 6:3.

Етмиш беш дақиқа давом этган баҳсда Киз 6, Плишкова 1 та эйс зарбасини амалга оширгди. Мэдисон 4, Каролина 6 та қўшхатога йўл қўйган. Энди амалдаги чемпион тўртинчи босқичда 31 ёшли ватандоши Жессика Пегулага қарши кортга чиқади. Жессика учинчи даврада россиялик Оксана Селехметьевадан 6:3, 6:2 ҳисобида устун келган.