Australian Open. Арина Соболенко рақибасига 4 та гейм берди

Сайёрамизнинг бешинчи рақамли теннис маликаси Арина Соболенко учинчи давра иштирокчисига айланди. Беларуслик теннисчи 88 дақиқа давом этган иккинчи давра баҳсида WTA рейтингида 51-поғонада бораётган америкалик Шелби Рожерсни ортиқча қийинчиликсиз мағлубиятга учратди - 6/3, 6/1.

Бу теннисчиларнинг ўзаро ўтказган учинчи учрашуви эди - 3:0. Соболенко 2, Рожерс 7 та эйс зарбани амалга оширган. Энди Арина 1/8 финал чиптаси учун Элизе Мертенсга қарши кортга чиқади. Бельгиялик теннисчи ўз ўрнида АҚШ вакиласи Лорен Дэвисдан 6/4, 6/3 ҳисобида устун келди.