Australian Open. Арина Соболенконинг соврин сари юриши бошланди

Australian Open турнирининг аёллар ўртасидаги баҳсларида сайёрамизнинг бешинчи ракеткаси Арина Соболенко муваффақиятли старт олди. Беларуслик теннис маликаси WTA рейтигида 74-поғонада бораётган чехиялик Тереза Мартинцовани 6/1, 6/4 ҳисобида мағлубиятга учратди. 

Бу теннисчиларнинг ўзаро ўтказган илк учрашуви эди. Етмиш дақиқа давом этган баҳсда Соболенко 3, Мартинцова 2 та эйс зарбасини амалга оширган. Энди Арина кейинги даврада америкалик Шелби Рожерсга қарши кортга чиқади. Шелби Australian Open турнирининг илк босқичида нидерландиялик Арианна Хартонодан устун келди - 6/4, 6/3.