Australian Open. Циципаснинг муваффақиятли юриши давом этади

Жаҳоннинг тўртинчи ракеткаси, грециялик Стефанос Циципас Австралия Очиқ чемпионатининг иккинчи даврасида жаҳон рейтингида 88-ўринни эгаллаб турган аргентиналик Себастьян Байсни 7/6, 6/7, 6/3, 6/4  ҳисобида мағлуб этди.

Баҳс 3 соату 21 дақиқа давом этган. Учрашувда Стефанос 11 та эйс ва 4 та брейкни амалга ошириб, тўпни ўйинга киритишда уч марта қўшхатога йўл қўйди. Себастьян эса 5 та эйс ва иккита брейк-пойнтни амалга оширган ҳамда тўрт марта қўшхатога йўл қўйган. 

Теннисчиларнинг ўзаро учрашувларидаги ҳисоб грециялик теннисчи фойдасига очилди - 1:0. Циципас энди Australian Open'нинг учинчи даврасида болгариялик Григор Димитров ёки франциялик Бенуа Пэр билан тўқнаш келади.