13 янв 16:16
Янгиликлар

Теннис

Australian Open. Дунёнинг биринчи ракеткаси ва амалдаги чемпион ҳам бошлади

Дунёнинг биринчи ракеткаси Янник Синнер "Катта Дубулға" туркумига кирувчи Австралия Очиқ чемпионатидаги иштирокини ғалаба билан бошлаб олди.

Италиялик теннисчи илк даврада ATP рейтингида 36-поғонада бораётган чилилик Николас Харрини бироз қийинчилик билан мағлубиятга учратди - 7/6(2), 7/6(5), 6/1. Харри икки сетда амалдаги чемпионни анча қийнаб қўйди. Ҳар икки сет ғолиби тай-брекда аниқланди. Теннисчиларнинг ўзаро учрашувларида Синнер ҳисобда олдинга чиқиб олди - 2:1.

Икки соату 42 дақиқа давом этган баҳсда Синнер 7, Харри 13 та эйс зарбани амалга оширган. Энди Янник Australian Open турнирининг 1/32 финалида австралиялик Тристан Скулкейтга қарши кортга чиқади. Мезбон теннисчи биринчи босқичда япониялик Таро Даниэлдан устун келди - 6/7(6), 7/6(4), 6/1, 6/4.