20 янв 13:21
Янгиликлар

Теннис

Australian Open. Дунёнинг учинчи ракеткасида мағлубият

Австралиянинг Мельбурн шаҳрида ўтказилаётган мавсумнинг илк "Катта Дубулға" турнирида кутилмаган натижалар қайд этиляпти.

Аёллар ўртасидаги мусобақада дунёнинг учинчи рақамли теннис маликаси, испаниялик Гарбин Мугуруса WTA рейтингида 61-поғонадан жой олиб турган франциялик Ализе Корнега икки сетда ҳам бир хил ҳисобда ютқазиб қўйди - 3/6, 3/6.

Бир соату 27 дақиқа давом этган баҳсда 28 ёшли Мугуруса 2 та эйс зарбасини ижро этди. 32 яшар Корнеда эса бу кўрсаткин нол кўринишида бўлди. Теннисчиларнинг ўзаро учрашувларида ҳисоб тенглашди - 3:3.