21 янв 08:00
Янгиликлар
Теннис
Australian Open. Элина Свитолинанинг юриши давом этади
Австралиянинг Мельбурн шаҳрида теннис бўйича "Катта Дубулға" туркумига кирувчи йилнинг дастлабки турнири ўтказилмоқда.
Дунёнинг 23-ракеткаси бўлиб турган Элина Свитолина тўртинчи давра иштирокчисига айланди. Украиналик теннис маликаси учинчи босқичда WTA рейтингида 95-поғонада бораётган швейцариялик Виктория Голубични ортиқча қийинчиликсиз мағлубиятга учратди - 6/2, 6/3.
Теннисчиларнинг ўзаро иккинчи учрашувида ҳам Элина рақибасидан устун келди. Олтмиш етти дақиқа давом этган баҳсда Свитолина 2, Голубич 1 та эйс зарбасини амалга оширди. Иккала теннисчи ҳам 2 тадан қўшхатога йўл қўйди. Брейклар табиийки, ғолиб теннисчида кўпроқ бўлди - 5 га 2.
Свитолина Australian Open тўртинчи босқичида Линда Носковага қарши кортга чиқади. Чехиялик теннисчи ўз ўрнида дунёнинг биринчи ракеткаси, польшалик Ига Свёнтекни мусобақадан чиқариб юборганди.
Ҳавола :
Манба : gotennis
Фикрлар