14 янв 08:45
Янгиликлар

Теннис

Australian Open. Эмма Радукану стартда қийин ғалабага эришди

Австралиянинг Мельбурн шаҳрида теннис бўйича "Катта Дубулға" туркумига кирувчи йилнинг дастлабки турнири давом этмоқда.

Australian Open мусобақасининг аёллар ўртасидаги баҳсларида дунёнинг 31-ракеткаси бўлиб турган россиялик Екатерина Александрова рейтингда ўзидан 30 поғона қуйида бораётган британиялик Эмма Радукануга тай-брекларда ютқазиб қўйди - 6/7(4), 6/7(2).

Бу теннис маликаларининг ўзаро ўтказган илк учрашуви эди. Икки соату 19 дақиқа давом этган баҳсда иккала теннисчи ҳам 6 тадан брейкни амалга оширган. Қўшхатолар Эммада 10 тага кўп бўлди - 14 га 4! Энди Радукану Australian Open иккинчи босқичида америкалик Аманда Анисимовага қарши кортга чиқади.