21 янв 09:03
Янгиликлар

Теннис

Australian Open. "Эйчсилар" баҳсида Хачанов ғалаба қозонди

Мельбурнда давом этаётган Australian Open турнирининг биринчи ҳафтаси ўз якуни сари яқинлашмоқда.

Эркаклар ўртасидаги баҳсларда дунёнинг 20-ракеткаси Карен Хачанов нимчорак финалга йўл олди. Россиялик теннисчи учинчи даврада рейтингда ўзидан уч поғона юқорида бораётган америкалик Фрэнсис Тиафони 6/3, 6/4, 3/6, 7/6(9) ҳисобида таслим этди.

Уч соату 33 дақиқа давом этган баҳсда Хачанов 19, Тиафо 15 та эйс зарбасини амалга оширган. Теннисчиларнинг ўзаро учрашувларидаги ҳисоб йириклашди - 3:0. Хачановнинг Австралия Очиқ чемпионатидаги навбатдаги рақиби Ёсихито Нисиока бўлади. Япониялик теннисчи ўз ўрнида америкалик Маккензи Макдональдни таслим этди - 7/6(6), 6/3, 6/2.