13 янв 18:18
Янгиликлар

Теннис

Australian Open. Ига Свёнтек қайтди

Сайёрамизнинг иккинчи рақамли теннис маликаси Ига Свёнтек Австралия Очиқ чемпионатидаги иштирокини ғалаба билан бошлади.

Польшалик теннисчи илк даврада WTA рейтингида роппа-роса 50-ўринни эгаллаб турган чехиялик Катержина Синяковани таслим этди - 6/3, 6/4. Бу теннисчиларнинг ўзаро ўтказган илк учрашуви бўлди.

Саксон уч дақиқа давом этган баҳсда иккала теннисчи ҳам 1 тадан эйс зарбасини амалга оширган. Брейклар бўйича устунлик Свёнтек томонида бўлди - 4 га 2! Энди у Australian Open иккинчи босқичида Ребекка Шрамковага қарши кортга чиқади. Словакиялик теннисчи ўз ўрнида америкалик Кэти Волинецдан 3/6, 6/2, 6/2 ҳисобида устун келди.