18 янв 16:48
Янгиликлар

Теннис

Australian Open. Карен Хачанов учинчи даврада

Дунёнинг 20-ракеткаси Карен Хачанов Австралия Очиқ чемпионатининг учинчи босқич йўлланасини қўлга киритди.

Россиялик теннисчи 5 дақиқаси кам 3 соат давом этган учрашувда ATP рейтингида 84-поғонада бораётган австралиялик Жейсон Каблердан устун келди - 6/4, 5/7, 6/4, 6/2.

Бу теннисчиларнинг ўзаро ўтказган илк учрашуви эди. Хачанов 14, Каблер 12 та эйс зарбасини амалга оширган. Ҳар икки теннисчи ҳам 2 тадан мажбурий бўлмаган қўшхатога йўл қўйган. Энди Карен 1/8 финал йўлланмаси учун АҚШ вакили Фрэнсис Тиафога қарши кортга чиқади.