22 янв 07:31
Янгиликлар

Теннис

Australian Open. Киз чемпионлик ҳимоясини давом эттирмоқда

Дунёнинг тўққизинчи ракеткаси Мэдисон Киз Мельбурнда ўтказилаётган "Катта Дубулға" туркумига кирувчи Австралия Очиқ чемпионатининг учинчи давра иштирокчисига айланди.

Америкалик теннис маликаси Australian Open иккинчи босқичида WTA рейтингида 62-поғонада бораётган ватандоши Эшлин Крюгерни мағлубиятга учратди - 6/1, 7/5. Бу америкаликларнинг ўзаро ўтказган илк учрашуви бўлди.

Етмиш тўрт дақиқа давом этган баҳсда Киз 1, Крюгер 2 та эйс зарбасини амалга оширган. Қўшхатолар Эшлинда биттага кўпроқ бўлди - 5 га 4. Брейклар бўйича табиийки, ғолиба устунликка эга бўлди - 6 га 2.

Эътиборлиси, Киз иккинчи сетда 2/5 ҳисобида ютқаза туриб, сетболдан чиқиб кетди. Унинг учинчи босқичдаги рақибаси чехиялик Каролина Плишкова ва индонезиялик Жанис Тьен учрашувига қарши кортга чиқади.