27 янв 13:49
Янгиликлар

Теннис

Australian Open. Медведев беш сетлик баҳсда Вавринкага ютқазди

Мельбурн шаҳрида теннис бўйича "Катта Дубулға" туркумига кирувчи Австралия Очиқ чемпионати давом этмоқда.

Дунёнинг тўртинчи ракеткаси Даниил Медведев мусобақанинг нимчорак финал учрашувида рейтингнинг 15-поғонасида бораётган швейцариялик Стэн Вавринкага имкониятни бой берди. Уч соату 25 дақиқа давом этган баҳсда россиялик 23 ёшли теннисчи 34 яшар рақибига 2/6, 6/2, 6/4, 6/7(2), 2/6 ҳисобида ютқазди.

Баҳс давомида Медведев 19, Вавринка эса 18та эйс зарбасини амалга оширди. Бу теннисчиларнинг ўзаро учинчи учрашуви эди. Бундан аввалги икки тўқнашувда Даниилнинг қўли баланд келганди. Стэннинг Australian Open чорак финалидаги рақиби бироздан сўнг бошланадиган Андрей Рублёв ва Александр Зверев ўртасидаги учрашувдан сўнг аниқланади.