14 янв 11:12
Янгиликлар

Теннис

Australian Open. Қозоғистонлик теннис маликасининг юриши бошланди

Сайёрамизнинг еттинчи ракеткаси бўлиб турган Елена Рибакина Австралия Очиқ чемпионатидаги иштирокини ғалаба билан бошлаб олди.

Қозоғистонлик теннис маликаси илк даврада WTA рейтингида 293-поғонада бораётган мезбонлар вакиласи Эмерсон Жонсни ортиқча қийинчиликсиз мағлубиятга учратди - 6/1, 6/1. Бу теннисчиларнинг ўзаро ўтказган илк учрашуви эди.

Бор йўғи 53 дақиқа давом этган баҳсда Рибакина 11 та эйс ва 5 та брейкни амалга оширди. Қўшхатога йўл қўймади. Энди у Australian Open иккинчи босқичида Ива Йовичга қарши кортга чиқади. Америкалик теннисчи биринчи даврада испаниялик Нурия Парризас-Диасдан устун келди - 6/2, 6/1.