Australian Open. Трибунага Россия ва Беларусь байроқларини олиб келиш тақиқланди

Австралия теннис федерацияси украиналик томошабинларнинг шикояти туфайли мухлисларга Австралия Очиқ чемпионати бўлаётган трибуналарга Россия ва Беларусь байроқларини олиб киришни расман тақиқлади. Бу ҳақда ташкилотнинг расмий баёнотида маълум қилинди.

"Дастлаб, бизнинг сиёсатимизга кўра, мухлислар уларни (Россия ва Беларусь байроқларини) олиб келишлари мумкин эди, бироқ уларга бошқа томошабинларга халақит бермаслик учун байроқларни силкитишга рухсат берилмаган. Бугундан бошлаб Россия ва Беларусь байроқлари Австралия Очиқ чемпионатидан бутунлай четлаштирилади, бу қарор дарҳол кучга киради", — дея ташкилот сўзларидан иқтибос келтирган "ТАСС".

Ушбу тақиқга россиялик теннисчи Камилла Рахимова ва украиналик Катерина Байндл ўртасидаги ўйинда подиумда Россия байроғи кўтарилгани учун Австралия Очиқ чемпионати стадионларига 14 марта қўнғироқ қилган украиналик мухлисларнинг кўплаб шикоятлари сабаб бўлган.